2014 jylǵy 26 jeltoqsan, Astana qalasy
«Avtomobıl kóligimen tasymaldanatyn prosesti baqylaý» kásibı standartyn bekitý týraly
Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 138-5-babynyń 3-tarmaǵyna sáıkes buıyramyn:
1. Qosa berilip otyrǵan «Avtomobıl kóligimen tasymaldanatyn prosesti baqylaý» kásibı standarty bekitilsin.
2. Qazaqstan Respýblıkasy Investısııalar jáne damý mınıstrliginiń Kóliktik komıteti (Á.A.Asavbaev):
1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on kúntizbelik kún ishinde merzimdi baspasóz basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa kóshirmesin jiberýdi;
3) osy buıryq Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3)-tarmaqshalarynda kózdelgen sharalar týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Investısııalar jáne damý
mınıstriniń mindetin atqarýshy J.QASYMBEK.
«KELISILDI»
Qazaqstan Respýblıkasy Densaýlyq saqtaý jáne áleýmettik damý mınıstri
______________T.DÚISENOVA
2015 jylǵy 21 qańtar
Qazaqstan Respýblıkasy Investısııalar jáne damý mınıstri
mindetin atqarýshynyń 2015 jylǵy 26 jeltoqsandaǵy №314 buıryǵymen bekitilgen
«Avtomobıl kóligimen tasymaldanatyn prosesti baqylaý» kásibı standarty
1. Jalpy erejeler
1. «Avtomobıl kóligimen tasymaldanatyn prosesti baqylaý» kásibı standarty bilim berý baǵdarlamalaryn, onyń ishinde kásiporyndaǵy personaldy oqytý úshin bilim berý men mekemelerdegi qyzmetkerler men túlekterdi sertıfıkattaý úshin jáne personaldy basqarý salasyndaǵy keń aýqymdy mindetterdi sheshý úshin arnalǵan.
2. Osy kásibı standartta mynadaı termınder jáne anyqtamalar qoldanylady:
1) biliktilik – qyzmetkerdiń naqty eńbek fýnksııalaryn sapaly oryndaýǵa daıyn bolý dárejesi;
2) biliktilik anyqtamalyǵy – basshylardyń, mamandardyń jáne basqa da qyzmetkerler laýazymdarynyń biliktilik anyqtamalyǵy.
3) biliktilik deńgeıi – eńbek is-qımyldarynyń kúrdeliligi, standartty emestigin, jaýapkershiligi men derbestiligi ólshemderine qaraı saralanatyn qyzmetkerdiń daıarlyǵy men quzirettiliginiń deńgeıine qoıylatyn talaptar jıyntyǵy,
4) ulttyq biliktilik sheńberi– eńbek naryǵynda tanylatyn biliktilik deńgeılerin qurylymdyq jaǵynan sıpattaý;
5) ulttyq biliktilik júıesi – eńbek naryq jaǵynan mamandardyń biliktiligine suranystar men usynystardy quqyqtyq jáne ınstıtýsıonaldy retteý tetikteriniń jıyntyǵy;
6) salalyq biliktilik sheńberi – salada tanylatyn biliktilik deńgeılerin qurylymdyq jaǵynan sıpattaý;
7) eńbek fýnksııasy – eńbek prosesiniń bir nemese birneshe mindetterin sheshýge baǵyttalǵan ózara baılanysty is-qımyldar jıyntyǵy;
8) kásip – arnaıy daıyndyq nátıjesinde paıda bolatyn jáne bili týraly tıisti qujattarmen rastalatyn naqty bilimin, sheberligin jáne praktıkalyq daǵdylaryn talap etetin adamnyń eńbek qyzmetiniń negizgi túri;
9) kásibı top – ortaq ıntegrasııalyq negizi (uqsas nemese jaqyn taǵaıyndaý, obektiler, tehnologııalar, onyń ishinde eńbek quraldary) bar jáne olardy oryndaý úshin eńbek fýnksııalarynyń jáne quzirettilikteriniń uqsas jıyntyǵyn kózdeıtin kásibı kishi toptardyń jıyntyǵy;
10) kásiptik kishi top – eńbek fýnksııalarynyń jáne olardy oryndaý úshin qajetti quzyretterdiń birtutas jıynymen qalyptastyrylǵan kásipter jıyntyǵy;
11) kásibı standart – eńbektiń biliktilik, quzirettilik, mazmundyq, sapalyq jáne sharttyq deńgeılerindegi naqty saladaǵy kásibı qyzmetti anyqtaıtyn standart;
12) sala – shyǵaratyn ónimderiniń, óndiris tehnologııalarynyń, negizgi qorlarynyń jáne jumys isteýshilerdiń kásibı mashyqtarynyń ortaqtastyǵy tán kásiporyndar men uıymdardyń jıyntyǵy.
3. Osy kásibı standartta kelesi qysqartýlar paıdalanylady:
1) UBSh - ulttyq biliktilik sheńberi;
2) UBJ - ulttyq biliktilik júıesi;
3) SBSh - salalyq biliktilik sheńberi;
4) KQS - kásiptik qyzmet salasy;
5) BA - biliktilik anyqtamalyǵy.
2. Kásibı standarttyń pasporty
4. Kásibı standarttyń ataýy: Avtomobıl kóligimen tasymaldanatyn prosesti baqylaý.
5. Kásibı standartty ázirleý maqsaty: kásibı standarttyń mazmunyna qoıylatyn birińǵaı talaptardy sáıkestendirý jáne bekitý, avtokólik quralyn tehnıkalyq paıdalanýdy uıymdastyrý aıasynda mamandarǵa qoıylatyn biliktilik deńgeıiniń naqty ólshemderin aıqyndaý.
6. Kásibı standarttyń qysqasha sıpattamasy: avtomobıl kóligi arqyly tasymaldaý prosesin qamtamasyz etý boıynsha sharalardy uıymdastyryp, júzege asyrý
7. Negizgi top: kólik
Kásibı top: júkter men jolaýshylardy tasymaldaý boıynsha qyzmetter.
3. Kásipter kartochkalary
8. Kásip tizbesi:
avtomobıl kóliginiń revızory, SBSh boıynsha 4 biliktilik deńgeıi;
qozǵalys qaýipsizdigi jónindegi ınjener, SBShboıynsha 5 biliktilik deńgeıi.
Kásipter kartochkalary osy kásibı standarttyń qosymshasynda keltirilgen.
«Avtomobıl kóligimen tasymaldanatyn prosesti baqylaý»
kásibı standartyna qosymsha
Kásipter kartochkalary
Avtomobıl kóliginiń revızory» KÁSIP KARTOChKASY
Kásip kody 3152
Kásip ataýy Avtomobıl kóliginiń revızory
SBSh boıynsha biliktilik deńgeıi 4
BA boıynsha biliktilik deńgeıi 4
Kásibı bilim deńgeıi Tıisti mamandyq boıynsha tehnıkalyq jáne kásiptik bilim
Eńbek fýnksııalary 1) Klıenttik josparlardyń oryndaý týraly eseptiliktiń durystyǵyn, jolaýshylardy tasymaldaýdyń belgilengen kóleminiń oryndalýyn baqylaý
1 eńbek fýnksııasy
Klıenttik josparlardyń oryndaý týraly eseptiliktiń durystyǵyn, jolaýshylardy tasymaldaýdyń belgilengen kóleminiń oryndalýyn baqylaý Sheberligi men daǵdylary:
1. Avtokólik quraly arqyly jolaýshylardy, júkti jáne pochtany tasymaldaý kezinde avtokásiporyn jumysshylary arqyly tarıfter men alymdardyń durys qoldanylýyn jáne jolaýshylar avtokóligimen jolaýshylar men júkti tasymaldaý kezinde túsken túsimniń tolyq kólemin baqylaý daǵdysy.
2. Almasýshy kondýktordy qoldana otyryp, sońǵy nemese aralyq aıaldamalarda bılettik-eseptik paraq pen kondýktor kassasynyń durys júrgizilýin tekserý.
3. Kondýktordyń kassasynda artyq aqsha qarajat anyqtalǵanda, qarajattyń jetispeýshiliginde, bıletsiz jolaýshylar anyqtalǵan jaǵdaıda belgilengen úlgidegi aktilerdi qura bilýi.
4. Avtomobıl kóliginiń jumys ýaqytyn esepteý jáne basqa da bekitilgen qujattar boıynsha saparlyq, taýar-kólik jáne basqa da bastapqy qujattardyń durys rásimdelýin tekserý daǵdysy.
5. Azamattardyń aryzdary ótinishteri, jáne usynystary boıynsha josparly jáne jospardan tys basqa da baqylaý-revızııalyq is-sharalardy ótkizý daǵdysy.
6. Aýysymda atqyrylǵan jumys týraly eseptilikti qurý daǵdysy.
7. Jol júrýdiń elektrondy tólem júıesi jabdyǵymen jumys isteý daǵdysy bilý.
Bilimi:
1. «Qazaqstan Respýblıkasyndaǵy ákimshilik quqyq buzýshylyq týraly kodeksi» 2001 jylǵy 30 qańtardaǵy № 155-II Qazaqstan Respýblıkasy zańnamasymen belgilengen kóliktegi ákimshilik quqyq buzýshylyqtar jáne olardyń túrleri.
2. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-8) tarmaqshasyna sáıkes quzyretti organ bekitetin avtomobıl kóligi arqyly jolaýshylar jáne júkti tasymaldaý qaǵıdalasy.
3. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-9) tarmaqshasyna sáıkes quzyretti organ bekitetin Avtomobıl kóligi salasyndaǵy quzyretti organ bekitken júkti avtomobıl kóligimen tasymaldaý qaǵıdasy.
4. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-7) tarmaqshasyna sáıkes quzyretti organ bekitetin qaýipti júkterdi tasymaldaý qaǵıdasy.
5. Baqylaý-tekserý qyzmetiniń is-áreketine qatysty joǵary turǵan organdardyń normatıvtik-quqyqtyq aktileri, basqa da basshylyq, ádistemelik jáne normatıvtik materıaldary.
6. Avtokóliktegi spıdometr men taksometrdegi maıysqaq bilikterdi plombylaýdyń qaǵıdasy men syzbasy.
7. Baqylaý-tekserý qyzmeti týraly ereje.
8. Bılettik júıe jáne jolaqy quny, bılet ónimin aqshalaı qarajatty,jáne artyq qalǵan bılet ónimderin alý jáne saqtaý, júzege asyrý tártibi.
9. Kondýktorlar jáne júrgizýshilerdiń jumysyn baqylaý boıynsha is-sharany uıymdastyrý boıynsha reglamenti.
10. Eksplýatasııalyq fılıaldyń (parktiń) baǵyttyq jelisi.
11. Jolaýshylardyń jol júrýine, qoldanystaǵy jol júrý qujattarynyń túrlerine, tegin (jeńildikpen) júrý qujat túrlerine arnalǵan tarıfter.
12. Avtokólik uıymnyń jyljymaly quramynyń markalary, olardyń syıymdylyǵy.
13. Qalalyq avtokólik quralyndaǵy eńbekti qorǵaý, tehnıka qaýipsizdigi, óndiristik sanıtarııa normalary.
14. Avtokólik quralynyń jumys esebi boıynsha bastapqy qujattardy rásimdeý boıynsha reglament.
15. О́ndiristi, eńbekti jáne basqarýdy uıymdastyrý ekonomıkasy.
16. Qazaqstan Respýblıkasynyń eńbek zańnamasynyń negizderi.
Jeke quzyrettilikterge qoıylatyn talaptar Jaqsy zeıin.
Iltıpattyq.
Ádeptilik.
Jeke jınaqylyǵy.
Jaýapkershilik.
Tózimdilik.
Sabyrlylyǵy.
SBSh boıynsha basqa kásiptermen baılanysy 5112 Jolaýshylar kóliginiń baqylaýshy;
Bılet baqylaýshysy
«Qozǵalys qaýipsizdigi jónindegi ınjener» KÁSIP KARTOChKASY
Kásip kody 2145
Kásip ataýy Qozǵalys qaýipsizdigi jónindegi ınjener
SBSh boıynsha biliktilik deńgeıi 5
BA boıynsha biliktilik deńgeıi 4
Kásibı bilim deńgeıi Tıisti mamandyq boıynsha joǵary (nemese joǵarǵy oqý ornynan keıingi) bilim
Eńbek fýnksııalary 1) О́ndiristik qyzmetke bilikti personaldar men aqaýlary joq avtokólik quraldaryn shyǵarýdy baqylaý.
2) Tasymaldaý prosesin oryndaý kezindegi jol-kólik oqıǵasynyń aldyn-alý.
3) Qyzmetteri avtokólik quraldaryn paıdalanýmen baılanysty júrgizýshiler men jumysshylardyń kásiptik sheberligin joǵarlatý boıynsha is-sharany uıymdastyrý.
4) Memlekettik ýákiletti oryndarmen qarym-qatynas kezinde qaýipsiz jol qozǵalysyn qamtamasyz etý aıasyndaǵy memlekettik saıasatty júzege asyrý.
1 eńbek fýnksııasy
О́ndiristik qyzmetke bilikti personaldar men aqaýlary joq avtokólik quraldaryn shyǵarýdy baqylaý
Sheberligi men daǵdylary:
1. О́tkizý jıiligin saqtap qaýipsiz qozǵalys boıynsha nusqaýlyq ótkizý, bilimderin tekserý daǵdysy.
2. Júrgizýshilerdiń eńbek jáne tynyǵý tártibin saqtaý maqsatynda qozǵalys kestesine sáıkes júrgizýshilerdiń óndiristik jáne eńbek tártibin saqtaýyn baqylaý.
3. Júrgizýshilerdiń reıs aldyndaǵy jáne reısten keıingi medısınalyq tekseristen ótýin baqylaý, medısınalyq qaıta kýálandyrýdyń ótkizý kezeńdiligin saqtaý.
4. Avtokólik quralyn jolǵa shyǵarý boıynsha baqylaý beketteriniń jumysyn taldaý jáne sapasyz jumys isteýdiń sebepteri.
5. Uıymda áreket etetin jol qozǵalysynyń qaýipsizdigi boıynsha buıryqtardy, ókimderdi ázirleý men ózektendirý boıynsha daǵdysy.
6. Qaýipsiz qozǵalysty qamtamasyz etý jáne jol-kólik oqıǵasynyń aldyn-alý bóligindegi uıymnyń barlyq qyzmetteri men bólimsheleriniń jumysyn tekserý daǵdysy, jáne anyqtalǵan buzýshylyqtar men kemshilikter boıynsha áreketti is-sharalardy qabyldaý úshin uıym basshysyna usynystar usyný.
Bilimi:
1. «Jol qozǵalysy týraly» 2014 jylǵy 17 sáýirdegi Qazaqstan Respýblıkasynyń Zańy.
2. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-10) tarmaqshasyna sáıkes quzyretti organ bekitetin avtokólik quraldaryn tehnıkalyq paıdalaný qaǵıdasy.
3. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-8) tarmaqshasyna sáıkes quzyretti organ bekitetin avtomobıl kóligi arqyly jolaýshylar jáne júkti tasymaldaý qaǵıdalasy.
4. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-6) tarmaqshasyna sáıkes quzyretti organ bekitetin júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasy, avtomobıl kóligi salasyndaǵy salalyq jáne ulttyq standarttar, tasymaldy júzege asyrý tártibi týraly erejeler men nusqaýlyqtar.
5. Avtokólik quraldaryn jolǵa shyǵarý qaǵıdasy men baqylaý beketteriniń jumys negizderi, eńbekti qorǵaý, tehnıka qaýipsizdigi, óndiristik sanıtarııa jáne órt qaýipsizdiginiń normalary.
6. Qaýipsiz eńbek bóligindegi Qazaqstan Respýblıkasynyń eńbek zańnamasynyń negizderi.
7. Júrgizýshilerge qoıylatyn psıhofızıologııalyq talaptar.
8. Avtokólik quraldarynyń tehnıkalyq sıpattamalary jáne konstrýktıvti erekshelikteri, avtomobıldiń tehnıkalyq jaǵdaıyn tehnıkalyq jaǵdaıyn baqylaýǵa arnalǵan erejeler men quraldar.
9. Is júrgizý negizderi.
10. Qaýipsiz qozǵalys boıynsha esep pen eseptilikti nysandaryn júrgizý boıynsha reglament.
11. Júrgizýshilerdiń reıs aldyndaǵy jáne reısten keıingi medısınalyq tekseristerin ótkizý ádisteri.
12. Nusqaýlyqtardyń ár túrlerin ótkizýdiń ádisteri men nysandary.
13. Uıymnyń qyzmetkerleriniń medısınalyq qaıta kýálandyrýdan ótkizý salasyndaǵy normatıvtik quqyqtyq qujattar, ótkizý merzimdiligi.
2 eńbek fýnksııasy
Tasymaldaý prosesin oryndaý kezindegi jol-kólik oqıǵasynyń aldyn-alý
Sheberligi men daǵdylary:
1. Avtokólik joldarynyń jaǵdaılaryn zerttep, qaýipti joldyń bólikterin kórsete otyryp, avtokólik quraldarynyń qozǵalys syzbasyn qamtamasyz etý.
2. Qaýipsiz jol qozǵalysyn qamtamasyz etý maqsatynda meteorologııalyq málimetterdi taldap, jol jáne klımattyq jaǵdaılardy eskere otyryp, avtokólik quraldaryn paıdalaný erekshelikteri týraly júrgizýshilerge nusqaýlyq ótkizýdi baqlaý.
3. Jol-kólik oqıǵasy oryn alǵan jerge shyǵý arqyly jol-kólik oqıǵasyna qyzmettik tekserýlerdi júrgizý.
4. Jol-kólik oqıǵalar boıynsha bekitilgen eseptilik nysandaryn júrgizý.
5. Qaýipti zattardy tasymaldaıtyn avtokólik quraldaryna qoıylatyn talaptarǵa sáıkes, jarylǵysh, tez janǵysh, radıoaktıvti, ýly jáne ózge de qaýipti júkterdi tasymaldaý kezinde qaýipsizdikti qamtamasyz ete bilý.
6. Avtokólik quraldarynyń avarııalyq jaǵdaıy tekserý men taldaý materıaldarynyń negizinde jol-kólik oqıǵasynyń aldyn alý boıynsha jumystardy uıymdastyrý daǵdysy
7. Qozǵalmaly quramnyń baǵyttaryn zertteý men tólqujattandyrý, joldaǵy, tıeý jáne túsirý oryndaryndaǵy, aıaldama beketterindegi jáne taǵy da basqa kólik qozǵalysy oryndaryndaǵy júrgizýshilerdiń eńbek qaýipsizdigin qamtamasyz etý boıynsha usynystar engizý daǵdysy.
8. Avtokólik quraldaryna men jaıaý júrginshilerdiń qozǵalys syzbasyn ázirleý, jol tańbalaryn saly, jol belgilerin jáne dabyl qondyrǵylaryn ornalastyrý boıynsha jumysqa basshylyq etý.
Bilimi:
1. «Jol qozǵalysy týraly» 2014 jylǵy 17 sáýirdegi Qazaqstan Respýblıkasynyń Zańy.
2. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-8) tarmaqshasyna sáıkes quzyretti organ bekitetin avtomobıl kóligi arqyly jolaýshylar men júkti tasymaldaý qaǵıdasy.
3. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-6) tarmaqshasyna sáıkes quzyretti organ bekitetin júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasy.
4. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-7) tarmaqshasyna sáıkes quzyretti organ bekitetin avtokólik quralymen qaýipti júkterdi tasymaldaý qaǵıdasy jáne qaýipsiz jol qozǵalysy boıynsha basqa da zańnamalyq jáne normatıvtik-quqyqtyq aktiler, ádistemelik materıaldar.
5. Jol-kólik oqıǵasyn tirkeý jáne esepke alý reti boıynsha bekitilgen normatıvti-quqyqtyq qujattar.
6. Jol-kólik oqıǵalardyń paıda bolý sebepteriniń aldyn-alý jáne joıý tásilderi.
7. Normatıvtik qujattarǵa sáıkes avtokólik quraldaryn durystyǵyna áser etetin jáne olardyń normatıvtik qoldanysynyń kórsetkishteri.
3 eńbek fýnksııasy 3
Qyzmetteri avtokólik quraldaryn paıdalanýmen baılanysty júrgizýshiler men jumysshylardyń kásiptik sheberligin joǵarlatý boıynsha is-sharany uıymdastyrý. Sheberligi men daǵdylary:
1. Uıymdaǵy júrgizýshilerdi mashyqtanýdan ótkizýdiń belgilengen tártibin saqtaýdy baqylaý.
2. Júrgizýshilerge klassty berý jáne tómendetý boıynsha biliktilik komıssııasynyń jumysyn, sondaı-aq sondaı-aq júrgizýshiler jol bergen buzýshylyqtardy qaraý boıynsha tártiptik komıssııanyń jumysyn uıymdastyrý.
3. Qaýipsiz qozǵalys boıynsha personaldyń bilimderin tekserýdi, dárister jáne men basqa da túrlerin boıynsha sabaqtardy uıymdastyrý men ótkizý daǵdysy.
4. Belgilengen tártipte tekseris kestelerin ázirleý men bekitý.Eń jaqsy júrgizýshilerdiń avarııasyz jumysynyń tájirıbesin qaraý boıynsha jumystardy ótkizý daǵdysy
Bilimi:
1. «Jol qozǵalysy týraly» 2014 jylǵy 17 sáýirdegi Qazaqstan Respýblıkasynyń Zańy.
2. Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańynyń 13 babynyń 23-6) tarmaqshasyna sáıkes quzyretti organ bekitetin júrgizýshilerdiń eńbegi men tynyǵýyn uıymdastyrý, sondaı-aq tahograftardy qoldaný qaǵıdasy.
3. Jańadan jumysqa qabyldanǵan júrgizýshilerge jáne basqa markaly avtokólik quralǵa aýysýymen baılanysty uıymda belgilengen mashyqtanýdy uıymdastyrý tártibin ótkizý prosesi.
4. Personaldyń bilimin baǵalaý boıynsha qolda bar tıimdi ádister.
5. Qaýipsiz jol qozǵalysy erejeleri týraly aqparattardy nasıhattaýdyń ádisteri men nysandary.
6. Qyzmetkerlerdi basqarý negizi.
7. Eń jaqsy júrgizýshilerdiń avarııasyz jumysynyń tájirıbesin qaraý boıynsha jumystardy ótkizý daǵdysy.
Eńbek fýnksııasy 4
Memlekettik ýákiletti oryndarmen qarym-qatynas kezinde qaýipsiz jol qozǵalysyn qamtamasyz etý aıasyndaǵy memlekettik saıasatty júzege asyrý. Sheberligi men daǵdylary:
1. Qaýipsiz jol qozǵalysyn qamtamasyz etýmen baılanysty suraqtar boıynsha memlekettik organdarmen birlesip emtıhandyq komıssııa jumysyn uıymdastyrý.
2. Uıymnyń avtokólik quraldaryn belgilengen tártipte memlekettik esepke tirkeýge qoıý jáne tirkeýden shyǵarý boıynsha jumysty uıymdastyrý daǵdylary.
3. Memlekettik organdar usynatyn arnaıy derektermen uıym jumysy boıynsha derekterdi salystyra bilý.
4. Personal arqyly qaýipsiz jumystardy júrgizý
Bilimi:
1. Qazaqstan Respýblıkasynyń ákimshilik jáne qylmystyq zańnamasy.
2. Avtokólik quraldarynyń memlekettik tirkelimin retteıtin normatıvtik quqyqtyq qujattar.
3. Uıymdaǵy avtokólik quraldarynyń qatysýymen bolǵan jol-kóliktik oqıǵalar týraly derekterdi Ýákiletti baqylaý organynyń resmı derekterimen salystyrýdyń ádisteri, nysandary jáne tásilderi.
4. Jol-kólik oqıǵalaryn zertteý boıynsha ádistemelik jáne normatıvtik quqyqtyq qujattar.
5. Ujymdaǵy jol-kólik oqıǵasyn taldaýdy ótkizýdiń ádisteri, nysandary jáne tásilderi.
Jeke quzyrettilikterge qoıylatyn talaptar Analıtıkalyq oılaý qabileti.
Kommýnıkatıvtik daǵdylary.
Basqalardy sendirý jáne úırete bilýi
SBSh boıynsha basqa kásiptermen baılanysy 2149
1239 Eńbekti qorǵaý jáne tehnıka qaýipsizdigi jónindegi ınjener;
Inspektor-ınjener;
Kásibı standarttyń tehnıkalyq derekteri
Ázirlengen «Faktor» júıelik zertteýler kompanııasy» jaýapkershiligi shekteýli seriktestigi
Nusqa nomeri men shyqqan jyly 1 nusqa, 2014 jyl
Boljamdy qaıta qaraý merzimi 2017 jyl
Buıryq Qazaqstan Respýblıkasynyń Ádilet mınıstrliginde 2015 jylǵy 4 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10385 bolyp engizildi.